alter ego?!

Psst..
Ikaw!
Oo, ikaw nga. Huwag ka nang lumingon pa.
Ikaw ang tinatawag ko.
Akala mo ba'y sino?

Ha?!
Paanong magiging siya?
Wala na akong pakialam sa kanya.

Hindi mo ba naririnig?
Hindi mo ba naiintindihan?
Bingi ka ba o talaga lamang mangmang?

Pasensiya na. Hindi kita dapat sinasabihan ng ganyan.
Siguro nga'y nalilito ka lang.
Pero pakinggan mo kasi ako.
Tumingin ka. Hindi mo ba nakikita?
Hindi mo ba nararamdaman?

Ayan, ganyan nga.
Makinig ka. Makiramdam ka.
Nababasa mo na?
Anong sabi ng pintig?

Tama.. Ikaw nga. Oo. Ikaw nga..
Kanina ko pa sinasabi sa 'yo.
Ang labo mo!