Balon_

Malalim ang balon..
madilim
nakakatakot. Masyadong tahimik subalit
naririnig ko ang pag-inog ng tubig sa loob.

Parang nakikita ko ang pagtining
na nag-aanyayang ako'y bumaba at makipaglaro.
Nakakatakot. Parang ako'y bubulusok.


Lumalakas ang paanyaya.
Ang bawat pagsilip ko'y isang pakikipagsapalaran
subalit hinahayaan ko lamang.

Ako'y nilalamon. unti-unti..
Nawawala ang liwanag. dumidilim.
Ayoko! Hindi dapat
Ngunit masarap..

Natatakot ako.
Tulungan mo ako.
Ayokong manatili sa karimlang ito..
Baka hindi ako makaahon.